清談綜藝《Mayanne小喇叭》

上周末就圓滿收官啦

雖然得短短12期

好多觀衆都撐佢開第二季啵

話說呢個節目係會邀請

一啲熱播劇嘅主創、大熱嘅港星

甚至係網友關注嘅KOL上去

傾啲大家唔知嘅“幕後故事”

因爲氣氛歡樂

大家又聽到啲“小秘密”

節目熱度都真係幾高

其中大家印象深刻嘅幾期就有

《婚後事》一班主角上去

開心唱談拍戲趣事

我哋個friend黎諾懿

更加現場還原“露pat”浴室戲

放送埋開拍之前嘅

“詭異”chok泡泡動作

引發全場爆笑

而林峯&吳卓羲呢對孖寶

一上到節目就互揭超私人秘密

對方邊度有胎記

腳毛有幾長都見曬光

兩人仲再次講起

《大唐雙龍傳》嘅“股惑”鏡頭

聽到拍攝時嘅艱辛過程

真係又可憐又可笑啰

有次節目搵咗啲專業coser、

AV女優上去傾計

令大家了解到

呢啲特殊職業背後嘅艱辛

佢哋分享嘅經曆

讓大家體會到

職業其實無分貴賤

主持人Mayanne麥美恩

喺節目中除咗會引導大家

放低包袱答問題之外

又會化身“試玩員”

隔住屏幕幫大家“還原劇情”

例如“騎”上黎諾懿大髀

模擬當時拍浴缸戲嘅姿勢

身體力行感受動作可能性

爲咗展示吳卓羲pat pat嘅胎記

又直接摸落曾展望身體

毫不在意“男女授受不親”

Mayanne仲中意大聲笑

叽叽喳喳唔停嘴

感覺好似“小S”徐熙娣咁

不過

因爲佢性格好得人中意

玩得嗨但唔會過火

所以口碑都幾好

大家亦中意同佢玩

//////////

Mayanne其實係港姐出身嘅

入行之後主攻主持

好多大型嘅晚會都有佢份噶

近幾年佢都參演唔少電視劇

《黃金萬兩》《愛上我的衰神》等

喺裏面飾演嘅角色

都幾有觀衆緣噶

兩年前佢最出圈嘅“表演”

就係喺譚俊彥攞“視帝”嘅時候

大嗌咗一聲話對方“靠爸爸”

呢個公開嘅秘密

被佢搞笑官宣之後

都有人覺得佢膽大包天、

不識時務噶

但當事人譚俊彥就話

兩人係friend，唔會介意呢啲

開玩笑娛樂大家、開心就好

大大方方咁事情就過去啦

//////////

雖然Mayanne焫過人火頭

又經常對男星有“過火”舉動

爲人大癫大肺又吧咋吵鬧

但口碑一直幾好

幾乎冇绯聞

佢就話係因爲

自己一直男仔頭性格

又唔係“發電機”體質

所以可以同大家埋堆玩得好好啰

佢講到“發電機”

就不由得令人想起

被圈子公認“人肉發電機”嘅某人

唔知某人改改啲性格同作風

觀衆緣會唔會變翻好啲啲咧

靓SHOW開售

吳若希巡演【順德站】

2024“IN.POSSIBLE”

吳若希巡回音樂會-順德站

5月18日登陸

順德演藝中心大劇院

更多新的元素

&新的嘉賓陣容加入

俾你全新視聽體驗哦

快來“可樂生活”官方抖音號

搶飛啦

艾怡良巡演【廈門站】

艾怡良巡回演唱會

《不想忘記的名字》

深圳、廣州站開賣即售空

冇搶到票嘅fans唔使擔心

艾怡良又官宣咗新嘅城市

7月12號廈門站

都在熱賣中

快來“可樂生活”官方抖音號

買飛啦

來源：可樂生活Color微信公衆號

編輯：張子殷

審核：曾敏妍

簽發：駱蘋