上周末，新一季“浪姐”

《乘風2024》開波啦

大家關注嘅嘉賓陣容揭曉

從出場舞台可以睇到

呢次咖位全線下降

缺少C位人物

姐姐們初舞台同大家見面了

可能大家對節目冇太多期待

但節目就意外咁

炸出咗好多寶藏姐姐

令初舞台大有睇頭

//////

呢次“浪姐”

冇“大灣區姐姐”參加

但就有“大灣區新抱”郭碧婷

老公向佐喺隔籬“超越班”

兩公婆齊齊參加綜藝

話題性係相當強嘅

郭碧婷嘅初舞台

穿著略顯松垮肥大嘅裙裝

反而有一種闊太嘅chill感

大家都睇到

佢塊靓面完全冇變

一出場就令人夢回“南湘”

其他姐姐都中意打成一片

而郭碧婷就好似被孤立咗

大家入後台周圍打招呼

佢就尴尬咁搓手

對任何人和事都“漠不關心”

擁有冷淡“i人”氣質

被選爲小隊長後

都冇幾多人敢來佢嘅隊

不過郭碧婷都非常“佛系”

一啲都唔care有冇人加入

冇谂到佢呢種性格

反而更得觀衆喜愛

大贊佢“內核強大”

郭碧婷嘅初舞台

就用一首《小美滿》坦言

養貓狗、種花草同湊B

就係佢要嘅平凡生活

//////

最年長姐姐一般都好受關注

在節目預熱花絮流出時

“雪姨”王琳就已經譯風頭趸

佢作爲“禦用惡女”

最經典嘅係敲門嘅一幕

但呢次“雪姨”唔想再敲門

與佢相關嘅熱搜話題

反而係佢前蘇聯留學生身份

喺“浪姐”舞台後台

佢仲同俄羅斯姐姐交流無障礙

大姐大嘅資曆、氣場都擺喺度

“雪姨”雖然是年紀最大嘅姐姐

但佢嘅時尚感仍然非常有睇頭

如呢次初舞台嘅唱《卡門》

一身銀色禮服時尚中帶複古feel

早前喺時裝周做model

走起來帶風，氣場十足

//////

第一個到場嘅姐姐

係“國家隊”身份嘅薩頂頂

佢亦係唱將中最資深嘅一員

居然見到十幾年前

《快樂女生》節目中

自己力撐嘅選手劉忻

劉忻當年雖爲大熱選手

可惜決賽因爲喊到走音

最後只攞到季軍

昔日評委、學員

今次同台競技

兩人並冇尴尬

反而感動到喊

呢屆“浪姐”除咗劉忻

仲有何潔、尚雯婕兩位“快女”

大家初舞台都貢獻咗

好精彩嘅唱跳舞台

“是非吸引體”尚雯婕

再次陷入drama事件

之前有當年“快女”上綜藝

怒斥尚雯婕耍大牌唔複私信

今次又有蔡文靜

抱住尚雯婕強行“認親”

聲稱兩人當年演過姊妹

仲冚同一張被

點知尚雯婕完全忘記咗

場面相當尴尬

//////

睇翻舞台表現

姐姐們有好多出衆嘅表現

其中最驚豔嘅就係

新晉“林青霞”陳麗君

靠喺越劇《新龍門客棧》

女扮男裝出圈嘅佢

被粉絲稱爲“老公姐”

佢同樣係出自“國家隊”

擁有大批粉絲嘅佢

依家更成爲投票斷層第一

實力不容小觑

呢次佢來就係爲咗

弘揚越劇文化

所以初舞台佢帶來

戲腔演唱嘅《天命》

台上佢又舞劍又變裝

從花木蘭到孫悟空

睇到大家熱血沸騰

其實私底下佢係一個甜妹子

大反差表演令人驚喜

大反差表演唔止佢一個

佢嘅“最佳拍檔”陳昊宇

舞台都令人印象深刻

陳昊宇最近出圈嘅角色

係《如懿傳》嘅舒妃

當大家都以爲佢just演員時

佢用一首高難度嘅《野子》

坐實咗“唱將”嘅名號

原來佢係歌唱選秀冠軍出道

一開口撼低一衆姐姐

吸引咗大批粉絲

成爲今屆嘅“最大黑馬”

袁娅維、戚薇、鄭妮可等

實力唱將嘅業務水平超強

造型養眼、歌聲養耳

“浪姐”初舞台

喺意料之中

都有唔少驚喜嘅

你會唔會繼續睇落去？

來源：可樂生活Color微信公衆號

編輯：張子殷

審核：曾敏妍

簽發：駱蘋